VI. De ianuis caeli.

Ianuae caeli duae sunt, oriens et occasus. Nam una porta sol procedit, alia se recipit. Significant autem ianuae caeli testamenta divina, unde Psalmista ait: Mandavit nubibus desuper et ianuas caeli aperuit. Mandatum est nubibus id est predicatoribus ut per ianuas caeli, hoc est scripturas sanctas predicatione gloriosa adventum salvatoris domini nuntiarent, qui vere manna sumitur quando adorabili communicatione gustatur.