| Table of Contents | Words: Alphabetical - Frequency - Inverse - Length - Statistics | Help | IntraText Library |
| Hrabanus Maurus De rerum naturis IntraText CT - Text |
Cardines autem mundi duo septentrio et meridies, in ipsis enim uolvitur caelum. Significant autem cardines ipsi presentis aecclesiae conversationem quae per totum orbem dilatatur, et in duobus testamentis sive in duobus preceptis caritatis conversans ad futuram patriam tendendo cursum presentis uitae dirigit. Unde scriptum est: Domini enim sunt cardines terrae, et posuit super eos orbem.