XVII. De vespere.

Vesper vero aut finem mundi et adventum Antichristi significat aut occubitum mortis redemptoris nostri. Adventum Antichristi vesper significat in illa sententia superiorae Iob qua post productionem Luciferi subsequenter legitur: Et vesperum super filios terrae consurgere facis. Vesperum vero super terrae filios consurgere dominus facit, quia in fidelibus Iudeorum cordibus dominari Antichristum, eorum merito exigente permittit. Qui id toto a domino huic vesperi subduntur iuste, quia ipsi sponte sua filii terrae esse volverunt. Terraena quippe et non caelestia requirentes. A perspicienda Luciferi nostri claritate caecati sunt. Et dum praeesse sibi vesperum expetunt subsequentis dampnationis eterna poena merguntur.