XI. De deviis locis.

Devia sunt loca secreta et abdita quasi extra viam, ipsa sunt et invia inde et aviaria secreta loca et avia remota aut tantum adibilia avibus, illud unde est, in culta rubent aviaria bacis. Devia enim errores hereticorum mistice significat, qui viam veritatis servare neglegunt, et eius vestigia sequi nolunt, qui dixit. Ego sum via veritas et uita. Omnis enim qui iustitiae tramitem non servat recte devia transire dicitur.