II. De situ et habitu corporis humani.

Stare hominis in fide consistere significat, ut in apostolo state in fide. Ambulare ad deum tendere ut in Psalmo et ambulabam in latitudine. Sedere in deo humiliter requiescere, ut in evangelio uos autem sedere in civitate. Et in regum de David dicitur seditque coram domino. Iacere aut uitiis aut temptationibus succumbere. Unde legitur in evangelio et invenit eum iacentem in lecto. Currere in operibus bonis prorare. In apostolo sic currite ut comprehendatis. Et in malam partem pedes eorum ad malum currunt.

Ascensus profectus in deum in Psalmo Ascensus in corde suo disposuit. Et in Exodo armati ascenderunt filii Israhel de Egypto. Item in malam partem ascensus superbiae praesumptio. In evangelio: Qui non intrat per ostium movile ovium sed ascendit ali unde ille fur est et latro. Descensus defectus a deo. In evangelio homo quidam descendabat ab Hierusalem in Hiericho. Et in Esaia: Vae qui ascendistis aequos ut descendatis in Aegyptum.