[XLIII] De temperantia.

1. Agesilaus interrogatus, quemadmodum quis hominibus placere posset, Si gesserit, inquit, optima et locutus fuerit pauca.

2. Socrates inquirenti cuidam, quomodo posset optime dicere, respondit: Nihil dixeris, nisi quod bene scieris.

3. Demades non scolam, sed assiduitatem legendi doctrinam vocabat.

4. Phocion optimum oratorem esse dicebat, qui plurima paucis diceret.

5. Erasistratus medicus cum ad dormientem aegrum intrare noluisset, Meliorem, inquit, intus medicum audio.