| Table of Contents | Words: Alphabetical - Frequency - Inverse - Length - Statistics | Help | IntraText Library |
| Gaius Institutiones IntraText CT - Text |
177. Sed si cretio sine exheredatione sit data, id est in haec verba: SI NON CREVERIS, TUM PUBLIUS MEUIUS HERES ESTO, illud diversum invenitur, quod si prior omissa cretione pro herede gerat, substitutum in partem admittit, et fiunt ambo aequis partibus heredes; quod si neque cernat neque pro herede gerat, tum sane in universum summovetur, et substitutus in totam hereditatem succedit.