177. Contrarium autem iudicium ex certis causis constituitur, velut si iniuriarum agatur et si cum muliere eo nomine agatur, quod dicatur ventris nomine in possessionem missa dolo malo ad alium possessionem transtulisse, et si quis eo nomine agat, quod dicat se a praetore in possessionem missum ab alio quo admissum non esse. sed adversus iniuriarum quidem actionem decimae partis datur, adversus vero duas istas quintae.