Oratio Bedae beati presbyteri.

Haec tibi, cunctorum largitor, Christe, bonorum,
Dona tui obtulimus summo de munere doni
Magnaque praemodicis libantes gaudia dictis
Sanctorum attigimus certamina celsa tuorum,

Sperantes, illis exoratoribus ut tu,
Sidereo dignos qui iustus in axe coronas,
Indignis mitis laxes vel debita nobis.
Ultima sufficiunt illius in aedibus aulae
Praemia, qua cunctos tua visio, Christe, beabit,

Vita manens castis, lumenque salusque per aevum.