Veneris idolum.

O admirabile Veneris idolum,
cuius materiae nihil est frivolum,
archos te protegat, qui stellas et polum
fecit et maria condidit et solum.

furis ingenio non sentias dolum,
Clotho te diligat, quae baiolat colum.

«salvato puerum», non per hypothesim,
sed firmo pectore deprecor Lachesim,
sororem Atropos, ne curet haeresim.

Neptunum comitem habeas et Thetim,
cum vectus fueris per fluvium Tesim.
quo fugis, amabo, cum te dilexerim?
miser quid faciam, cum te non viderim?

dura materies ex matris ossibus

creavit homines iactis lapidibus,
ex quibus unus est iste puerulus,
qui lacrimabiles non curat gemitus.
cum tristis fuero, gaudebit aemulus.
ut cerva rugio, cum fugit hinnulus.