23 - Laurus

Oppositae obstabant nostris prius auctibus aedes,

Nec nos caelum ulla, solve iuvabat ope:

Disiectis herus his, solemque admisit, et aura

Concessit nobis liberiore frui.

Hinc nos in tenues certatim tollimur auras,

Ornamurque novae frondis honore caput.

At tibi, cui sacris Musarum et Apollinis umbris

Extructas libuit posthabuisse domos,

Perpetuo similes nostris sint frondibus anni,

Nobiscum augescant et tibi cuncta bona.