| Table of Contents: Main - Work | Words: Alphabetical - Frequency - Inverse - Length - Statistics | Help | IntraText Library |
| Decimus Magnus Ausonius Commemoratio professorum Burdigalensium IntraText CT - Text |
Quos
legis a prima deductos menide libri,
doctores patriae scito fuisse meae
grammatici in studio vel rhetoris aut in utroque,
quos memorasse mihi morte obita satis est.
Viventum inlecebra est laudatio: nomina tantum
voce ciere suis sufficiet tumulis.
Ergo, qui nostrae legis otia tristia chartae,
eloquium ne tu quaere set offìcium,
quo claris doctisque viris pia cura parentat,
dum decora egregiae commeminit patriae.