| Table of Contents: Main - Work | Words: Alphabetical - Frequency - Inverse - Length - Statistics | Help | IntraText Library |
| Decimus Magnus Ausonius Epigrammaton Liber IntraText CT - Text |
Canus rogabat
Laidis noctem Myron:
tulit repulsam protinus.
Causamque sensit et caput fuligine
fucavit atra candidum;
idemque voltu, crine non idem Myron
orabat oratum prius.
Sed illa formam cum capillo comparans
similemque, non ipsum rata,
fortasse et ipsum, sed volens ludo frui,
sic est adorta callidum:
«Inepte quid me quod recusavi rogas?
Patri
negavi iam tuos».