| Table of Contents: Main - Work | Words: Alphabetical - Frequency - Inverse - Length - Statistics | Help | IntraText Library |
| Decimus Magnus Ausonius Parentalia IntraText CT - Text |
Aemilia
<en>, vix nota mihi soror, accipe questus,
debent quos cineri maesta elegea tuo.
Coniunxit nostras aequaeva infantia cunas,
uno quamvis tu consule maior eras.
Invida set nimium Lachesis properata peregit
tempora et ad manes funera acerba dedit.
Praemissa ergo vale manesque verere parentum,
qui maiore aevo quique minore venit.