| Table of Contents: Main - Work | Words: Alphabetical - Frequency - Inverse - Length - Statistics | Help | IntraText Library |
| Decimus Magnus Ausonius Periocha Iliadis IntraText CT - Text |
PERIOCHA XXII ILIADOS
Pulsa metu Phrygios lustrabant agmina muros.
Hector singulari certamine cum Achille congreditur, Priamo atque Hecuba, ne
pugnaret, orantibus ; Minerva e contrario, specie Deiphobi, ut dimicet,
adhortante. Hector interfectus, et religatus ad currum, ter circum moenia
Trojana raptatur : deinde lacerum corpus defertur ad naves, ultione Patrocli,
et victoris iracundia, ad ulteriora supplicia reservandum.