| Table of Contents: Main - Work | Words: Alphabetical - Frequency - Inverse - Length - Statistics | Help | IntraText Library |
| Decimus Magnus Ausonius Epigrammaton Liber IntraText CT - Text |
Fama
est fictilibus cenasse Agathoclea regem
atque abacum Samio saepe onerasse luto,
fercula gemmatis cum poneret horrida vasis
et misceret opes pauperiemque simul.
Quaerenti causam respondit: «Rex ego
qui sum
Sicaniae, figulo sum genitore satus».
Fortunam reverenter habe, quicumque repente
dives ab exili progrediere loco.