81 - De anni temporibus

Temporis aestivi ieiunia corpora siccant;

quolibet in mense confert vomitus, quoque purgat

humores nocuos, stomachi lavat ambitus omnes.

ver, autumnus, hiems, aestas dominantur in anno.

tempore vernali calidus fit aer humidusque,

et nullum tempus melius fit phlebotomiae.

usus tunc homini Veneris confert moderatus.

corporis et motus ventrisque solutio, sudor,

balnea, purgetur tunc corpora cum medicinis.

aestas more calet sicca et noscatur in illa

tunc quoque praecipue choleram rubram dominare.

humida, frigida fercula dentur, sit Venus extra,

balnea non prosunt, sint rarae phlebotomiae:

utilis est requies, sit cum moderamine potus.