Praefatio

Anglorum regi scribit schola tota Salerni:

si vis incolumem, si vis te reddere sanum,

curas tolle graves, irasci crede profanum,

parce mero, cenato parum, non sit tibi vanum

surgere post epulas, somnum fuge meridianum,

non mictum retine, nec comprime fortiter anum:

haec bene si serves, tu longo tempore vives.

si tibi deficiant medici, medici tibi fiant

haec tria, mens laeta, requies, moderata diaeta.