36 - De nuce, de piro, de pomo

Post pisces nux sit, post carnes caseus adsit.

Unica nunc prodest, nocet altera, tertia mors est.

adde potum piro, nux est medicina veneno.

fert pira nostra pirus, sine vino sunt pira virus.

si pira sunt virus, sit maledicta pirus.

si coquas, antidotum pira sunt, sed cruda venenum.

cruda gravant stomachum, relevant pira cocta gravatum.

post pira da potum, post pomum vade faecatum.