84 - De genere sanguinico

Natura pingues isti sunt atque iocantes,

semper rumores cupiunt audire frequentes.

hos Venus et Bacchus delectant, fercula, risus,

et facit hos hilares, et dulcia verba loquentes.

omnibus hi studiis habiles sunt et magis apti.

qualibet ex causa nec hos leviter movet ira.

largus, amans, hilaris, ridens rubeique coloris,

cantans, carnosus, satis audax atque benignus.