CCXXIII. Nulli vel omnibus credere vitium esse.

Rufe, quid est quoniam te nulli credis amico?
Omnibus et nulli credere te, vitium est.
Omnia cum socio sapiens deliberat, aeque
Ac sibi cuncta refert, ducit adintus eum.
Sed facile est justo quam vivit dicere vitam,
Te tua difficile est facta referre palam.
Sic speciosus homo facie procedit aperta,
Cum facies turpis veste tegi soleat.