CCXXXVII. Locum virtutem non dare.

Non bene viventes, Probe, te fugisse refertur,
Et sine peccato quaerere terram hominum.
Sed sine peccato nullam reperire valebis,
Si non absque homine tu reperire velis.
Ibis ad occultos tractus, loca devia mundi;
Peccatum tecum est, conscia culpa comes.
Ut fugias homines, tu te fuge primitus ipsum,
Alterius censor, censor et esto tuus.
Ens inter homines, homines fuge, turpia eorum,
Tu tecum degens, te fuge, facta tua.