V. De rege Gilielmo.

Regnum, forma, genus, cor, dextra, facetia, virtus,
Non donant vitam, rex Gilielme, tibi.
Succubuisse tibi reges populosque coegit
Insita vis, te mors succubuisse tibi.
Praepollens opibus latissima regna tenebas,
Nunc opibus nudum te domus arcta tenet.
Múchus, perjurus, fur, raptor, praedo, tyrannus,
Te vixisse diu, non doluere mori.
Justitiae facies erepto judice marcet,
Fracta gemit virtus, pax fugitiva latet.
Ipse novem de mense dies Septembris habebas,
Et tibi subtrahitur quod decimare queas.