VII. De archiepiscopo Lanfranco.

Vixisti, venerande pater, sapienter et aeque,
Vixisti vivens, mors quoque vita tibi.
Inter divitias pauper, Lanfrance, fuisti,
Divitiis manans, pauperum amator eras.
Per te florentes artes valuere Latinae,
Graecia de nobis ecce triumphat ovans.
Tu Latios ortu Gallosque docendo levasti,
Te sibi primatem cardo Britannus habet.
In terra degens cúlestia mente petebas,
Exemptus terra sidera liber adis.
Sol geminos denis obsederat igne diebus,
Prompsit luna diem, nocte solutus abis.