XII. De Wulnotho comite.

Nobilis ordo patrum, morum custodia simplex,
Regula censurae, judicialis honor,
Corporeae vires, animi vehementior ignis,
Wulnothum comitem magnificant pariter.
Exilium, carcer, tenebrae clausura, catenae,
Accipiunt puerum destituuntque senem.
Nexibus humanis vinctus patienter agebat,
Divinis vinctus strictius obsequiis.
Ver erat et Februo pisces dum sole calerent
Nono sub Herme dies fit sibi summa dies.