XV. De Rodberto Herefordensi episcopo.

Non tua te mathesis, praesul Rodberte, tuetur,
Non alios aliter dinumerans abacus.
Dives eras, sapiens, studiosus, honoris amator,
Extendere dies non tamen ista tuos.
Ecce probas mortem quod nulla scientia tollit,
Divitiae nullae, nullus honoris amor.
Transitus iste gravis, gravis haec mutatio carnis,
Cum caro fit vermis, vermis et ipse cinis.
Scansurum solem retinebat Carcinus ardens
Per bis quinque dies scandis ad alta tenes.