II. De regina Emma.

Splendidior gemma meriti splendoribus Emma,
Omni qua voluit sorte beata fuit.
Haec habuit natos reges, regesque maritos,
Regum progenie claruit egregie.
Vicit honor morum seriem qua fulsit avorum,
Vicit sermo bonus, mens pia, larga manus.
Dum miseros pavit, gazas super astra levavit,
Cultrix justitiae serviit ecclesiae.
Exiit avita sumpta de funere vita,
Sex de Marte dies, laeta secuta dies.