Caput VII.

Quot et quæ sint species prudentiæ.

Species autem prudentia sunt sex, scilicet: Ratio, Intellectus, Providentia, Circumspectio, Cautio, Docilitas.

“Ratio est arbitra bonorum et malorum.”

 ⁷⁰ “Sequitur autem ratio naturam. Quid est ergo ratio: Naturæ imitatio.” ⁷¹ Diffinitur etiam sic: Ratio est vis discretiva boni et mali, liciti et illiciti, honesti et inhonesti cum electione boni et fuga mali; inde etiam dicitur ratiocinatio, id est rationis inquisitio.

Intellectus est speculatio veri.

 ⁷²

Providentia est præsens notio futurorum pertractans eventum.

 ⁷³

Circumspectio est contrariorum vitiorum cautela.

 ⁷⁴

Cautio est discernere a virtutibus vitia speciem virtutum præferentia.

 ⁷⁵

Docilitas est virtus docendi imperitos.

 ⁷⁶