Caput XVIII.

Quorum consilium sit vitandum.

De vitando consilio stultorum.

Viso et diligenter cognito, a quibus sit consilium postulandum, videamus, quorum consilium sit vitandum.

In primis itaque consilia stultorum penitus vitabis; stulti enim stulta diligunt et sua consilia ad stultitiam trahunt. Scriptum est enim: “Proprium est stultitia aliena vitia cernere, suorum autem oblivisci;”

 ¹⁹⁶ et Salomon dixit: “Cor sapientis in dextera, et or stulti in sinistra ejus;” ¹⁹⁷ unde alibi dixit: “In auribus insipientium ne loquaris, quia despicient doctrinam eloquii tui;” ¹⁹⁸ et iterum: “Via stulti recta est in oculis ejus, sapiens autem audit consilia.” ¹⁹⁹ Quare idem dixit: “Si contuderis stultum in pila quasi ptisanas feriente desuper pilo, non auferetur ab eo stultitia.” ²⁰⁰ Inde etiam ait: “Vir sapiens, si cum stulto contenderit, sive irascatur, sive rideat, non inveniet requiem.” ²⁰¹