[CAPUT X.]

De benignitate.

Benignitas enim habet species septem: religionem, pietatem, reverentiam, misericordiam, amicitiam, concordiam. Benignitas est virtus ad benefaciendum disposita sua cunctis dulcedine. “Religio est virtus coram Deo, cerimoniamque afferens.”¹¹⁶ “Pietas est virtus per quam sanguine iunctis et patrie benivolis officium et diligens tribuatur cultus.”¹¹⁷ “Innocentia est virtus omnem iniurie illationem abhorrens.”¹¹⁸ De qua dictum est, “Suum semper lumen sequitur innocentia.”¹¹⁹ “Reverentia est virtus gravibus personis vel aliqua prelatione sublimatis debite honorificationis cultum exibens.”¹²⁰ “Misericordia est virtus que movetur super calamitate afflictorum.”¹²¹ “Amicitia est bona voluntas erga aliquem causa illius”¹²² qui diligitur, vel dic secundum Tullium, “Amicitia nichil aliud est nisi omnium divinarum humanarumqueque rerum cum benivolentia et caritate summa consensio.”¹²³ “Concordia est virtus cives et patriotas in eodem iure et cohabitatione spontanee vincens.”¹²⁴

Cum pietate vero habeas in corde tuo benignitatem, et ita habebis omnis alias predictas virtutes que dicuntur species benignitatis. Disciplinam vero contra servos et degeneres exerceas, conpunctionem vero ergo sponte penitentes diligas.