[CAPUT VII.]

Qualiter retineatur amor Dei.

Retinetur amor et illius dilectio perseverantia. Unde dicitur, non qui inceperit, sed qui perseveravit aptus regno Dei. “Qui autem perseveraverit usque in finem, hic salvus erit.”²⁰⁴ Et alibi eciam dicitur, “Nemo mittens manum ad aratrum, respiciens retro, aptus est regno celorum.”²⁰⁵ Et sanctus Iohannes in epistola sua dixit, “Omnis qui precedit, et non permanet in doctrinra Christi, Deum non habet: qui permanet in doctrina eius, hic Filium et Patrem habet.”²⁰⁶

De amore Dei et dilectione illius, per magnitudinem negotii et mei paucitatem ingenii ad plenum te non possum docere. Sed hoc me breviter et succincte quasi sumatim tibi scripsisse sufficiat; tu autem ex tuo ingenio ad non tibi prestito semper augeas et suparaddas ut per Dei gratiam ad illius amorem et dilectionem valeas pervenire.