ARGUMENTUM

alma Dei prior acta refert, et daemonis iras,

Spes sua suasore hoc falsa est a relligione

missa Catisbaeo, socios is convocat, et rem

pulveream inducit, consultusque approbat illam

Garnetus; Faucum transmittit Belgia, coeptis         5

qui fossis praeit. hinc ad busta precatur Elizae

flens pia Relligio, coeli cui subvenit ales;

temporaque indicti sunt interrupta senatus.

littera Monteglo datur, hanc rex discutit, inde

pulveris exponens, cui iussa est cautio, technam.         10