XXX. DE GLOSSIS. [1] Glossa Graeca interpretatione linguae sortitur nomen. Hanc philosophi adverb[i]um dicunt, quia vocem illam, de cuius requiritur, uno et singulari verbo designat. Quid enim illud sit in uno verbo positum declarat, ut: "conticescere est a tacere" [2] Item (Virg. Aen. 10,314):

Latus haurit apertum.

"haurit, percutit" Item cum "terminumí dicimus "finem" aut "populatasí interpretamur esse "vastatas" et omnino cum unius verbi rem uno verbo manifestamus.