Table of Contents | Words: Alphabetical - Frequency - Inverse - Length - Statistics | Help | IntraText Library

Thomas of Cantimpré De S. Christina Mirabili Virgine Vita IntraText CT - Text

---

• Caput V. Vita qualis proxime ante mortem; languor; mors secundo ac tertio obita; Sepultura; Translatio; Auctoris paroenesis; Elevatio corporis; Miraculum.
  • 53.

Previous - Next

---

Click here to hide the links to concordance

---

53. Mira res! mox ubi hoc Beatrix mortuis auribus inclamavit, Christina reversa ad corpus, grave suspirium edidit; anxioque vultu revocantem reverberans dixit: O Beatrix! quid me inquietasti? Quare revocasti me? Jam exhibenda ducebar ad conspectum Christi; sed nunc soror me, quid vis, festanter interroga, et sinas me, obsecro, ad Domini concupita reverti. Tunc Beatrix quod proponebat interrogans, responsum ab illa recepit. Interim aggregatis undique sororibus monasterii, illas crucis signo et verbo consignans, tertio experta est mortem, et tertio obiit, et sic transiit ad immortalia secula seculorum.

---

Previous - Next

---

Table of Contents | Words: Alphabetical - Frequency - Inverse - Length - Statistics | Help | IntraText Library

---

IntraText® (V89) Copyright 1996-2007 EuloTech SRL