Table of Contents | Words: Alphabetical - Frequency - Inverse - Length - Statistics | Help | IntraText Library
Thomas of Cantimpré
De S. Christina Mirabili Virgine Vita
IntraText CT - Text
Previous - Next
Click here to hide the links to concordance
18. Conscius autem medicus fortitudinis illius, eam in cellario ex omni parte munito, vinculis fortiter constrictam et ad columnam ligatam, januis obseratis inclusit. Cumque fascibus medicinalibus tibiam illius stringeret et foveret, medico recedente, apposita detrahebat, indignum ducens alium suis plagis medicum adhiberi praeter Salvatorem nostrum Jesus Christum. Nec illam fefellit Omnipotens. Nam nocte quadam, cum divinitatis in eam spiritus irruisset, solutis vinculis, quibus ligata erat, sanata ab omni incommodo, per aream cellarii deambulabat ac tripudians, laudans et benedicens illum cui soli mori et vivere delegisset. Claustris ergo celarii spiritus ejus arctari se sentiens, arrepta saxo de area cellariii, in spiritu vehementi murum pervium fecit; et ut utamur exemplo, velut sagitta, quae quanto fortius in arcu stringitur, tanto robustius jaculatur, sic spiritus ejus ultra quam justum erat arctatus (quia: Ubi spiritus Domini, ibi libertas) cum ipso carneae molis corpore per aeris vacuum instar volucris volasse perhibetur.



Previous - Next
Table of Contents | Words: Alphabetical - Frequency - Inverse - Length - Statistics | Help | IntraText Library
IntraText® (V89) Copyright 1996-2007 EuloTech SRL