Thomas of Cantimpré De S. Christina Mirabili Virgine Vita IntraText CT - Text
Caput III. Injustorum eleemosynis graviter afficitur; victus ac vestitus; sensus ex damnandis et salvandis; cordium scrutationes; variae praedicationes; ecstasis, etc.
30. Verum cum quaedam monilais ipsius monasterii
exitum cogitaret de eo Christina dixit: O vas vacuum! in scandalum monasterii
maximum profuturum. Nec diu postea extitit, cum secundum verbum Christinae de
Ordine apostavit, et per incontinentiam suam maximum monasterio scandalum
fecit. Cumque conventus monasterii super modum difficilis esset, ut eamdem monialem
revertentem ad poenitentiam reciperet, Christina conventum redarguit dicens:
Licet vos parum reputetis perditionem ejus, non tamen ita parum anima illius
constitit Christo, qui pro ea sanguinem fundens, mori dignatus est. Nec
destitit Christina haec ingeminans, donec monialis poenitens reciperetur.