31. Conquestio metropolitani de monachorum
religione, rituumque correctione. Inter hec quoque et alia utilia quae ibi
constituta sunt, de monachorum religione a metropolitano motu gravissimo
conquestio habita est, eo quod ritus a majoribus constituti, a quibusdam
depravati et immutati viderentur. Unde et sub episcoporum praesentia ab eodem
decretum est, ut diversorum locorum abbates convenirent, et inde utiliter
consulerent. Hujusque habendae rationis tempus et locus mox constituta sunt, et
sic sinodus soluta est.
|