| Table of Contents | Words: Alphabetical - Frequency - Inverse - Length - Statistics | Help | IntraText Library |
| Richerus Historiae IntraText CT - Text |
|
|
|
| 13. (988.) Promotio Rotberti in regnum.
Metropolitanus sic posse fieri intelligens, dictis regiis cessit. Et quia tunc
in nativitate Domini regnorum principes convenerant ad celebrandum regiae
coronationis honorem, in basilica sanctae Crucis ejus filium Rotbertum Francis
laudantibus accepta purpura sollempniter coronavit, et a Mosa fluvio usque
Oceanum occidentalibus regem praefecit et ordinavit. Tanta industria atque
sollertia clarum, ut et in rebus militaribus praecelleret, et divinis ac
canonicis institutis clarissimus haberetur; liberalibus studiis incomberet,
episcoporum etiam sinodis interesset, et cum eis causas aecclesiasticas
discuteret ac determinaret. |
Table of Contents | Words: Alphabetical - Frequency - Inverse - Length - Statistics | Help | IntraText Library |
Best viewed with any browser at 800x600 or 768x1024 on Tablet PC IntraText® (V89) - Some rights reserved by EuloTech SRL - 1996-2007. Content in this page is licensed under a Creative Commons License |