| Table of Contents | Words: Alphabetical - Frequency - Inverse - Length - Statistics | Help | IntraText Library |
| Auctor incertus (Aurelius Victor?) De viris illustribus IntraText CT - Text |
|
|
|
| 67.1
Gaius Marius septies consul, Arpinas, humili luco natus, primis honoribus per
ordinem functus, legatus Metello in Numidia criminando eum consulatum adeptus
Iugurtham captum ante currum egit. 2 In proximum annum
consul ultro factus Cimbros in Gallia apud Aquas Sextias, Teutonas in Italia in
campo Raudio uicit deque his triumphauit. 3 Vsque sextum
consulatum per ordinem factus Apuleium tribunum plebis et Glauciam praetorem
seditiosos ex senatusconsulto interemit. 4 Et cum Sulpicia
rogatione prouinciam Syllae eriperet, armis ab eo uictus Minturnis in palude
delituit. 5 Inuentus et in carcerem coniectus immissum
percussorem Gallum uultus auctoritate deterruit acceptaque nauicula in Africam
traiecit, ubi diu exulauit. 6 Mox Cinnana dominatione reuocatus ruptis ergastulis
exercitum fecit caesisque inimicis iniuriam ultus septimo consulatu, ut quidam
ferunt, uoluntaria morte decessit. |
Table of Contents | Words: Alphabetical - Frequency - Inverse - Length - Statistics | Help | IntraText Library |
Best viewed with any browser at 800x600 or 768x1024 on Tablet PC IntraText® (V89) - Some rights reserved by EuloTech SRL - 1996-2007. Content in this page is licensed under a Creative Commons License |