45.1
Marcus Marcellus Viridomarum, Gallorum ducem, singulari proelio fudit. 2
Spolia opima Ioui Feretrio tertius a Romulo consecrauit. 3
Primus docuit, quomodo milites cederent nec terga praeberent. 4
Hannibalem apud Nolam locorum angustia adiutus uinci docuit. 5
Syracusas per tres annos expugnauit. 6 Et cum per calumniam
triumphus a senatu negaretur, de sua sententia in Albano monte triumphauit. 7 Quinquies consul
insidiis Hannibalis deceptus et magnifice sepultus. 8 Ossa Romam remissa a
praedonibus intercepta perierunt.
|