MIESCO III SENEX

Saepe dies oritur nitida face, nec tamen illi

Credideris; subito nubilus esse potest,

Grandine messores lapidare, tonitribus orbem

Concutere et rapidis frangere fulminibus.

Ecce Senex noster, regni cum cepit habenas,

Vir bonus et placidi fratris imago fuit.

Mox subole ingenti, generis, affimbus, auro

Inflatus coeptam destitit ire viam.

Nil illo peius, nil et crudelius illo,

Audace excepto, patria nostra tulit.

Sed tamen est pulsus. Numqnam impunita tyrannis

Sarmaticis feritas scilicet ulla fuit.