IOANNES ALBERTUS

Ducis, Ioannes Alberte binominis, agmen

Sarmaticum matre id perficiente tua,

Ingtaurasque novo, sed frustra, Marte tumultum

Ulturus patrui funera maesta tui.

Nam Dacus variat, primo quod dixerat ore,

Te contra Turcam velle iuvare ferum.

Instruit horrendos te contra perfidus hostes

Et fudit populos Marte iuvante tuos.

Unde nemus nostris patulae memorabile fagi,

Dum sol sidereo tramite currit, erit.

Sic igitur multis non faustis obrutus actis;

Te rapuit iuvenem Parca severa ducem.