| Table of Contents | Words: Alphabetical - Frequency - Inverse - Length - Statistics | Help | IntraText Library |
| Imperator Iustinianus Digestae IntraText CT - Text |
Dig. 48.14.0. De lege iulia ambitus.
Modestinus 2 de poen.
Haec lex in urbe hodie cessat, quia ad curam principis magistratuum creatio pertinet, non ad populi favorem.
Modestinus 2 de poen.
Quod si in municipio contra hanc legem magistratum aut sacerdotium quis petierit, per senatus consultum centum aureis cum infamia punitur.
Modestinus 2 de poen.
Qua lege damnatus si alium convicerit, in integrum restituitur, non tamen pecuniam recipit.
Modestinus 2 de poen.
Item is, qui novum vectigal instituerit, ex senatus consulto hac poena plectitur.
Modestinus 2 de poen.
Et si qui reus vel accusator domum iudicis ingrediatur, per legem iuliam iudiciariam in legem ambitus committit, id est aureorum centum fisco inferre iubetur.