| Table of Contents | Words: Alphabetical - Frequency - Inverse - Length - Statistics | Help | IntraText Library |
| Commodianus Instructiones IntraText CT - Text |
8 MERCURIUS
Mercurius uester fiat cum arabylo depictus
Et galea et planta, pinnatus et cetera nudus.
Rem uideo miram, deum <cum> saccello uolare:
Currite pauperculi, cum gremio quo uolat ille,
Ut sacculum effundat: uos extunc estote parati.
Respicite pictum: quando uobis hic ab alto
Iactabit nummos, uos tunc saltate securi.
Uane, non insanis, colere deos pictos in axe?
Si uiuere recte nescis, cum besteis perge morari.