Tum magni curvus Capricorni cornua propter

Delphinus jacet, haud uimio lustratu’ nitore ;

praeter quadruplices stellas in fronte Iocatas,

335

quas intervallum binas disterminat unum :

caetera pars lata tenui cum lumine serpit.

Illae quae fulgent luces ex ore corusco,

sunt inter partes gelidas Aquilone locatae,

atque inter spatium et laeti vestigia solis.

340

At pars inferior Delphini fusa videtur

inter solis iter, simul inter flamina venti,

viribus erumpit qua summi spiritus Austri.