[3:28] ARBITRAMUR ENIM IUSTIFICARI HOMINEM PER FIDEM SINE OPERIBUS   LEGIS.

ARBITRAMUR ENIM, nos scilicet quos Dominus ecclesiae suae praeposuit, id est censemus uel testificamur.

     Unde, ut ait Haymo, arbitros dicimus 'iudices siue testes'.

HOMINEM, omnem scilicet tam Iudaeum quam gentilem.

PER FIDEM tamquam sibi necessariam quia sine fde impossibile est placere Deo. PER FIDEM, dico, sine operibus legis, illis uidelicet exterioribus et corporalibus obseruantiis.