[4:6] SICUT ET DAVID DICIT BEATITUDINEM HOMINIS, CUI DEUS ACCEPTO FERT  IUSTITIAM SINE OPERIBUS:

SICUT ET DAVID DICIT, hoc est exponit nobis.

BEATITUDINEM HOMINIS CUI DEUS ACCEPTO, hoc est per suam misericordiam suscepto cum ipse surgere per se ad eum non ualeret.

FERT IUSTITIAM quam ipse cui affertur sumere per se non poterat, FERT, inquam, SINE OPERIBUS LEGIS, scilicet legalibus.