[12:17] NULLI MALUM PRO MALO REDDENTES: PROVIDENTES BONA NON TANTUM    CORAM DEO, SED ETIAM CORAM OMNIBUS HOMINIBUS.

Cui quidem periculo occurrit dicens: NULLI MALUM PRO MALO REDDENTES. Superius dixerat:

     Nolite maledicere persequentibus uos

hic facta mala sicut ibi uerba mala prohibet.

PROVIDENTES BONA, hoc est nitentes quantum possumus, ut opera nostra non solum DEO SED etiam HOMINIBUS bona uideantur, ut ea scilicet imitari uelint uel Deum inde glorificent, sicut et Veritas ait:

     Luceat lux uestra coram hominibus etc.