[26]

Quaerendum etiam uidetur, quo mysterio, uel qua ratione Domimus in ficulnea quaerens fructum, et non inueniens, quando, ut Marcus ait, non erat tempus ficorum, eam tamen sua maledictione percussam continuo effecit aridam, ut deinceps arefacta permaneret, tamquam ex culpa quacumque arboris, hanc maledictionem in eam intorsisset.

                                          SOLUTIO

Arbor, sine fructu reperta, Iudaea est pro sua nequitia tunc a Domino reprobata, ut boni operis fructu priuari mereretur, nequaquam recognoscens suae uisitationis tempus. Culpa autem eius accidit, quod tune tempus fructoum eius non fuerit: quando uidelicet dominicae praedicationis gratiam sibi oblatam repulit.

----------------------------------------------------------------------- -----------------------------------------------------------------------