- 178 -
TRACTATUS IX. DE SEXTO PRAECEPTO DECALOGI
PUNCTUM I. De tactibus, aspectibus, et
verbis turpibus.
1. et 2. An detur parvitas materiae in
delectatione carnali, aut sensibili.
3. De tactibus.
4. De choreis.
5. De muliere permittente se tangi.
6. An
puella oppressa teneatur clamare.
7. An
possit unquam permittere sui violationem.
8. De aspectibus.
9. De verbis.
10. De audientibus verba turpia
1. Peccatum contra hoc praeceptum est
materia maxime ordinaria in confessionibus, et est vitium quod replet infernum
animabus; quare plura de hoc praecepto sigillatim diseremus. Monemus autem ne
haec, nisi a confessoribus, legantur, aut ab iis sacerdotibus, qui ad audiendas
confessiones se capaces efficere cupiunt; imo rogamus istos ne legant in hoc,
aut alio libro de hac materia (quae sola lectione sua mentem inficit) nisi post
omnes alios tractatus, et cum iam ad administrandum SS. Poententiae Sacramentum
proximi sunt.
2. Ante omnia
advertendum, quod in materia luxuriae (quidquid aliqui dicant de levi
attrectatione manus foeminae, vel de intorsione digiti) non datur parvitas
materiae; ita ut omnis delectatio carnalis, cum plena advertentia et consensu
capta, mortale peccatum sit. Hinc damnata fuit ab Alexandro VII. propos. 40.
quae diecbat non esse mortale osculum habitum ob delectationem carnalem et
sensibilem, quae ex osculo oritur. Et sic etiam reprobanda est opinio
admittentium parvitatem materiae in delectatione sensibili, nempe si vir
delectetur de contactu manus foeminae, tamquam de contactu panni serici; quia
in hoc saltem adest proximum periculum incidendi in delectationem
carnalem1. Bene tamen advertit Continuator Tournely2 aliud esse
agere propter delectationem, aliud cum aliqua delectatione naturali, quae de se
consurgit ex qualitatibus corpori annexis, quia in ea potest quidem dari
parvitas materiae, puta in medico qui ex necessitate mulierem tangit; modo
(addendum) curet ille non sistere in tali delectatione; eamque tangendo
detestetur; alias iam ageret propter delectationem, quae licet naturalis sit,
tamen (ut diximus) non est seiuncta a proximo periculo transeundi in carnalem,
si ex proposito quaeratur. His positis, procedamus ad loquendum de singulis
luxuriae speciebus. 1. De non consummatis; 2. de naturalibus consummatis; 3. de
consummatis contra naturam.
3. Et 1. de tactibus.
Extra matrimonium mortales sunt omnes tactus, oscula et amplexus ob
delectationem carnalem exerciti, omnes enim eiusdem sunt naturae quam actus
consummatus; unde explicandum in confessione, an habiti sint cum eodem, an cum
diverso sexu, et an cum persona coniugata, aut sacra. Et sic pariter mortalis
est tactus propriorum genitalium, et maxime cum commotione spirituum, nisi fiat
ex necessitate; si autem ex curiositate vel levitate fiat, poterit esse tantum
veniale, modo tamen sit obiter, ac sine mora, absque commotione spirituum, aut
scandalo, aut periculo delectationis. Tactus autem verendorum alterius
corporis, maxime si sint nudi, et fortius si diversi sexus, etiam secluso
affectu venereo habiti, vix unquam excusantur a mortali. Excipe tantum nisi
fiant ob necessitatem, - 179 -
puta
a chirurgo, dumomdo ipse in delectationem non consentiat. Tangere autem
genitalia brutorum, per se non est lethale, sed tactum huiusmodi usque ad
pollutionem, merito Bonac. Holzman Croix, etc., contra aliquos, non excusant a
mortali, cum sit actio valde incitans ad venerem1.
4.
Choreae si fiant a laicis, et modo
honesto, sine inhonestis gesticulationibus, aut periculosis, non sunt per se
illicitate, ut loquitur d. Antoninus cum aliis2.
5. Mulier, aut
adolescens non peccat, si permittat se pudice iuxta morem tangi, nisi (excipe)
ei constet de pravo affectu tangentis, possitque tunc resistere sine sua
infamia, aut scandalo aliorum, ut docent Caiet. Azor. Sa Bonac. Busemb., etc. Peccat
vero si non obsistat tactibus impudicis, aut osculis morosis, vel
furtivis3.
6.
Hic dubitatur 1. an puella oppressa teneatur clamare si oporteat ad se
liberandam a turpitudine? Alii ut Navar. Soto Bonac.; etc. si ipsa resistit
omni modo quo potest, et si clamando periculum ei imminet infamiae, eam
excusant, nisi sit in periuclo consentiendi; nec obstare dicunt illud
Deuteronomii 22. 24. ubi damnatur puella, quia non clamavit. eo quod (ut
aiunt) tale praeceptum pertinebat ad externum iudicium, in quo praesumebatur
puella non clamans consensisse. Alii
vero ut Caiet. et Salm. cum aliis, affirmant, et haec quidem sententia ut
tutior consulenda est (licet opposita non sit damnanda) maxime si proximum non
adsit periculum consensus4.
7.
Dubitatur I. an mulier teneatur potius mortem pati vi repellendo invasorem,
quam sui violationem permittere? Negant Tolet. Sotus Navar. Holzm., etc. modo
voluntate resistat, absitque periuclum consensus. Sed haec opinio in praxi non
videtur probabilis, quia mulier quiescendo in tali congressu, nimis difficulter
poterit se eximere a periuclo consentiendi in illum5. An autem et quomodo liceant tactus inter coniuges,
aut sponsos? Vide quae dicentur de matrimonio Tr. 18. n. 42.
8. II. De aspectibus.
Adpicere verenda personae diversi sexus, difficulter excusatur unquam a
mortali, nisi forte aspectus fiat e loco valde longinquo, et ita obiter ut
nullum periculum delectationis adsit. Et etiam loquendo de verendis personae
eiusdem sexus, non excusarem a mortali virum morose, et delectabiliter
aspicientem pulchrum adolescentem nudum. Censeo tamen cum La-Croix (quicquid
dicant Salmant.) simplicem aspectum turpem, sine desiderio tactuum, nunquam
induere speciem personae quae aspicitur, nimirum consanguineae, sacrae, aut
coniugatae; species enim incestus, sacrilegii, vel adulterii non contrahitur,
nisi per tactum quo pietas, vel ius coniugii violatur6. Aspicere
concubitum humanum sine dubio est lethale; brutorum vero, valde periculosum,
unde nulli permittendum nisi tantum illis quibus incumbit animalia coniungere
ad generationem: modo absit in ipsis periculum consentiendi in turpia7.
Aspicere autem partes minus honestas mulieris, sed non turpes, nempe brachia,
crura, aut pectus, non semper est per se mortale, sed si aspectus sit
deliberatus et diuturnus, aut si aspiciens sit ad venerem proclivis,
difficillime a mortali excusabitur; et idem sentio de eo qui vultum mulieris
pulchrae morose inspicit, saltem si inordinato affectu eam diligit8.
Aspicere picturas obscoenas ex mera curiositate, dicunt aa. non esse mortale,
si absit periculum turpis delectationis, sed vir morose aspiciens pudenda
muliebria depicta nuda, vel levi velo tecta, nescio quomodo a mortali excusari
possit9
- 180 -
Qui autem pingunt vel
exponunt huiusmodi imagines, gravissimo peccato scandali delinquunt, cum ipsae
valde adolescentes ad libidinem provocent1. Et idem puto dicendum de
iis qui eas domi retinent expositas omnium aspectui.
9. III. De verbis. Verba
obscoena non sunt mortalia, si proferantur ex ira aut ioco, prout solent
messores, vindemiatores et muliones. Secus si verba sint nimis lasciva, aut si
proferantur cum ipsarum rerum turpium delectatione, vel cum audientum scandalo,
quod ut plurimum adest, si huiusmodi verba dicuntur coram puellis aut pueris,
et maxime si quis se iactat de aliquo peccato turpi, in quo se iactans
tripliciter ordinarie peccant, 1. quia gloriatur de re mala, 2. quia magnum
praebet scandalum. 3. quia de facili se complacet de peccato
patrato2. Insuper hic sedulo notandum cum Salmant. et Roncagl. ex d.
Thoma, non esse sine gravi periculo diuturnum colloqium cum puella inordinate
dilecta3.
10.
Audientes autem verba turpia, aut turpes comoedias tantum ob curiositatem, aut
ob vanum solatium, possunt aliquando excusari a mortali; nisi adsit delectatio
turpis, vel illius periculum, quod facile fere semper aderit in adolescentibus,
vel aliis parum timoratae conscientiae4; aut nisi adsit scandalum: et
ideo merito docet Bened. XIV.5 clericos, et Religiosos non posse
comoediis turpibus interesse sine scandalo gravi. Et etiam merito Holzman et
La-Croix propter scandalum aliorum damnant de mortali eos qui pecunia aut
plausu cooperantur ad huiusmodi comoedias notabiliter turpes; eosque qui eas
impedire tenentur, aut commode possunt, et non impediunt; ac fortius qui illas
repraesentant6. Gravissime
quoque peccant qui libros componunt incitantes ad turpia, vel ad inhonestos
amores7. Hactenus de actibus luxuriae non consummaits, nunc videamus de
speciebus turpibus consummatis.
|